Dedë Preqi

DITËLINDJA E DYTË E SHTETIT TË DYTË SHQIPTAR

-Në përvjetorin e dytë të Pavarësisë së Kosovës-

Shqiptarët gjithmonë ishin në shërbim të paqës dhe stabilitetit rajonal dhe në fqinjësi të mirë me fqinjët e tyre.Ata bënë përpjekje gjithherë të mbrohen nga hordhitë e ndryeshme barbare,dhe bënë përpjekje që të përcaktojnë fatin e tyre,për të qenë të lirë dhe të pavarur në trojet e veta.Populli shqiptar përjetoi tragjedi të mëdha dhe të mundimshme gjatë historisë së vet,nga okupuesit e huaj,por asnjëherë nuk u dorëzue duke e mbajtë gjallë frymën kombëtare,si asnjë popull tjetër bëri shumë rezistenca duke mos u ndalur asnjë herë ,edhe pse pati përkrahje të mangëta nga fuqitë e mëdha të atëhershme.Rezistenca 25-vjeqare e Gjergj Kastriotit-Skënderbeut,ishte shembulli që mbajti gjallë me shekuj idenë dhe heroizmin kombëtar,edhe pse në kushte të vështira e kundërshtuese e shpalli Pavarësinë e Shqipërisë me 1912,duke ruajtur bërthamën e vet etnike.E cunguar me një masë të madhe teritoresh,prap se prap me përkrahjen e SHBA-ve,dhe Evropës,Shqipëria në shekullin e 21,u bë anëtare e NATOs,dhe së shpejti anëtare e Bashkimit Evropian.Shqipëria dhe Kosova e kishin të njëjtin fat nën regjimin komunist,ku edhe sot ka mbeturina të asaj kohe, në dy anët kombëtare që orvatën të dominojnë dhe të trazojnë demokracinë e këtyre dy vendeve.

-D i t ë l i n d j a e P a v a r ë s i s ë-

-17 Shkurti 2008,dita kur u plotësua liria kombëtare shqiptare së paku 130 vjeqare,shkëputja nga sundimi i egër dhe barbar serbo-sllav.Në këtë ditë ndodhi Pavarësia e Kosovës,krijimi i shtetit më të ri në botë.Tani është ditëlindja e dytë e shtetit të dytë shqiptar,dhe kështu me radhë kjo datë shënon thëmelet e përjetësisë të shtetësisë së Kosovës .Ky akt i pa mohueshëm ishte vullneti i kahershëm i qytetarëve të saj ,që pas pritjeve shumëvjeqare dhe sakrificave të mëdha,shqiptarët realizuan aspiratat e veta të lirisë,demokracisë dhe shtetit të pavarur.Kjo ishte ngjarja më e madhe e shekullit -XXI-,e cila ngjarje trokiti në çdo derë dhe zemër shqiptare,dhe ku gjendeshin shqiptarët, u festue më të madhe dhe krenari kombëtare.Historija shqiptare nuk fillon me 1912-të,dhe nuk mbaron me 17 shkurt 2008-të, por këto dy data historike tregojnë ngjarjet më të mëdha të kombit tone,të cilat na identifikojnë si dy shtete shqiptare demokratike dhe sovrane.Këto dy data tregojnë kulmin e arritjeve të mijërave jete njerëzish që luftuan dhe u sakrifikuan për liri dhe pavarësi.Shpallja e Pavarësisë së Kosovës,ishte një përmirësim i padrejtësive historike të bëra ndajë shqiptarëve nga fuqitë e mëdha të kohës,dhe ishte ngjarja më e madhe në historinë e popujve të ballkanit.Por me ndryshimin e rrethanave historike,Fuqitë e Mëdha e kuptuan faktorin shqiptar dhe në Ballkan nuk do të ketë qetësi e stabilitet pa zgjedhjen e problemit të Kosovës.

Faqet e historisë shqiptare për pavarësi ishin shumë të dhimbshme,pasi edhe sot e kësaj dite ka shqiptarë që vuajnë për mungesën e shtetit amë, vuajnë për faktin se janë të ndarë dhunshëm nga trojet e veta etnike.Festat e pavarësisë shqiptare janë simbolet e popullit dhe lirisë së tyre,të cilat japin shpresa për ditë më të mira,dhe krijojnë stabilitet në vend dhe rajon.

Shqiptarët gjithmonë kishin një ëndërr të përbashkët për liri dhe pavarësi, ëndërr e cila u arritë me gjakun e bijve dhe bijave të kombit, të cilët u bënë kurban në themelet e shtetit të vet.Në kuadër të integrimëve evropiane ,shqiptarët përbëjnë një komb,dhe në Evropën e Bashkuar shkojnë si dy shtete shqiptare të pavarura.Edhe pse qështja shqiptare gjithherë u shqyrtua si një qështje e veqantë dhe e ndërlikuar në krahasim me kombet dhe vendet tjera të botës,tani kohët ndryshuan,dhe shqiptarët po ndryshojnë,në vend të ëndërrave të shohin realitetin.Të lënë anash"doktrinat"të cilat nuk ekzistojnë, dhe të tregojnë programet politike dhe ekonomike,për të ngjallur dhe zhvilluar ekonominë e vendit të tyre,dhe krijimin e kushteve më të mira të qytetarëve të vet.Dhe në kuadër të një zhvillimi ekonomik ,të fuqishëm dhe të qendrueshëm ,shembën të gjitha muret dhe barierat,sikur shembën dy Gjermanitë muret e tyre dhe u bë një Gjermani në Evropën e Bashkuar.Shqiptarët janë të përkushtuar ti bashkohen Evropës,dhe asnjëherë nuk ishin kundërshtarët e saj,por duhet të angazhohemi më shumë kundër mbeturinave politike majtiste,që sot haptas mbrojnë Rezulutën 1244,e cila bie në kundërshtim me Pavarësinë e Kosovës.Kosova dhe shqiptarët e Kosovës nuk e harrojnë edhe strategun e tyre dhe ideatorin e madh të Pavarsisë së Kosovës z. Rugova,i cili ishte dhe arkitekti i saj.

Por me 17 shkurt të atij viti të shpalljes së Pavarësisë së Kosovës,nuk harrohen edhe ata njerëz të cilët u përpjekën atë ditë për ta degraduar figurën e Rugovës,për ta hequr fotografinë e Tij nga salla e shpalljes së Pavarësisë,të cilët nuk mundën të bëjnë më shumë,vetëm se ia zmadhuan autoritetin e tij.Ata ishin frikacakët dhe egoistët që fshihen edhe sot pas hijes së Rugovës,dhe janë persona pa përsonalitet,sepse filozofija e Rugovës dhe vizioni i Tij për Kosovën nuk qëndron në fotografi,por në përsonalitetin e Rugovës ,i cili mbetët i pa vdekshëm për kombin tone.

Shqiptarët dhe shteti i Kosovës,duhet që mos ti harroi edhe miqtë e vet të shqiptarëve,në krye me SHBA-të,të cilët ishin nyjet kryesore të forcave të NATO-s,që e dëbuan agresorin serb nga Kosova njëherë dhe përgjithmonë.Rruga deri te ky qëllim ka qenë shumë e mundimshme dhe e vështirë,deri te shteti i pavarur,dhe me ndihmën e Bashkësisë Ndërkombëtare me 1999,edhe pse kjo ishte ndërhyrje e ndërgjegjës së vonuar,bëri hapin e pare e të drejtë në favor të shqiptarëve.Edhe pas përfundimit të luftës në Kosovë,Bashkësia Ndërkombëtare u mundua të gjejë një gjuhë të përbashkët,e nganjëherë duke e përgëdhelur Serbinë,në mënyrë që të gjejë edhe rrugën e mirëkuptimit,por ajo aspak nuk përkulet dhe të vetëdijësohet për krimet e bëra,dhe politika e tyre ende nuk ka ndryshuar,duke krijuar struktura paralele në veri të Mitrovicës,me qëllim të pengimit të ecjeve zhvëllimore dhe kundra Kushtetutës së Republikës së Kosovës.

Në veri të Mitrovicës,fryen egër veriu ,dhe përtej urës së Ibrit,më shumë se 10-vite,jetohet nën ankth nga kriminelët serb që jetojnë dhe veprojnë në këtë pjesë të qytetit që është e përzier edhe me shqiptarë,një gjendje e cila të mashtron dhe të tradhëton.Populli serb i Kosovës, një pjesë e tyre ende nuk e ka pranuar realitetin kosovar,sepse ata janë të derigjuar nga "ciceronët me bateri"nga Beogradi,të cilët ëndërrojnë sikur të ishin në "koma",ende të pa kthjellur...

Ditëlindja e dytë e Pavarësisë së Kosovës,sot shënohet me të arriturat e veta deri dikund...por jo të kënaqshme ,për ta gëzuar qytetarin e vet,sepse qeverisja aktuale ka shumë mangësi në realizimin e programëve të veta,duke mbetë shumë mbrapa zhvillimëve të shumëanshme,që nga vet qytetarët e deklaruar të cilët në shenjë pakënaqësie e varfërie,çfaqën protesta të përditshme.Në këtë gjendje në të cilën gjindet sot Kosova,ku populli për çdo ditë ballafaqohet me problemet e veta ekonomike,nuk mbetët gjë tjetër sepse është mbushur kupa, e cila në realitet nuk ka asgjë,dhe varfëria kërkon rrugdalje,për ta ndryshuar dhe përmirësuar gjendjen.

Më shumë të brengos fati i të rinjve kosovarë,të cilët shumica e tyre mbarojnë universitetët,dhe nuk mund të gjejnë punë.Më 15 shkurt të këtij viti,Universiteti i Prishtinës kishte 40-vjetorin e themelimit të tij,si Universitet i parë në Kosovë,dhe sot numëron një numër të madh të studentëve të cilët vazhdojnë dhe kanë mbaruar shkollimin në këtë Universitet,të cilëve shumë pak u janë të garantuara vendet e punës.Derisa të besojmë se kjo krizë do të tejkalohet,për të mirën tonë dhe të Pavarësisë së Kosovës,deri atëherë do të heshtim,nuk do të protestojmë.Dhe kur të kuptomë se Pavarësia është ekonomike,e jo vetëm politike,do ta rifillojmë shpresën e cila nuk vdes kurrë se në të ardhmën do të vjen një klasë e re politike,të cilën vetë populli do ta thërret që ta ndryshoi situatën për të mirë të vendit,sepse ka kaluar limiti i krizës katastrofale.Tani vitët e Pavarësisë,janë vitët e sëndërtimit të qëllimit më sublim të këtij vendi dhe këtij populi.Dy vjet pas shpalljes së Pavarësisë e kanë pranuar Kosovën 65 shtete të OKB-së.Është bërë anëtarësimi i Kosovës në Fondin Monetar dhe në Bankën Botërore.Është bërë Miratimi i Kushtetutës së Rebublikës së Kosovës.Janë miratuar simbolet e vendit dhe ligjet.

Është themeluar Ministria e FSK-së,e tjera.Ndërsa dështimet e kësaj qeverie gjatë këtyre dy vitëve të pavarësisë janë të shumta.Në rend të parë korrupsioni është rritur edhe më shumë,sidomos gjatë tenderimëve publike.Në nivelin Ndërkombëtarë Kosova nuk ka arritur qëllimin e deklaruar sipas shefave qeveritar se ,Kosovën do ta pranojnë më shumë se njëqind shtete.Zhvillimi ekonomik i Kosovës ka qenë një dështim dhe një dëshprim i pa imagjinuar.Evropa ka bërë shumë vërejtëje,drejtuar qeverisë së Kosovës,sidomos në prekurimin publik,dhe Kosova mbetët e izoluar në zhvillimet tregtare,ndërsa mallërat vijnë nga anë të ndryeshme të Serbisë dhe Maqedonisë,të cilat ishin edhe me afat të skaduar.Qeveria aktuale ka vërejtëje sepse ka ndikim edhe në mediume publike.

Zgjedhjet nuk ishin të kënaqshme dhe nuk mund të konstatohen të suksesëshme.Shtrirja e autoritetit të vendit në gjithë teritorin e Kosovës ka qenë e mangët e tjera...Do të thotë se dy vjetori i Pavarësisë së Kosovës ka shënuar suksese dhe jo suksese,por mbetëmi me shpresë se përvjetorët tjerë ,do të jenë më të frytshëm dhe më të begatshëm për popullin e Kosovës dhe mirëqenjën e tij.