“Bariç humbi, sepse trajtoi keq lojtarët më të mirë...” Tare, 34-vjeçar, është pesimist sa i përket kthimit në Kombëtare, pavarësisht se në vend të Bariçit ka ardhur holandezi Ari Han. Në intervistën për “Koha Ditore”, Tare flet edhe për ciklin e fundit eliminator të Kombëtares, akuzat që iu bënë lojtarëve kuqezi dhe për të ardhmen e tij në Serie A. Prej vitit 2005, Tare mbron ngjyrat e Lazios. Me këtë skuadër ka kontratë deri në verën e këtij viti. - Keni deklaruar se nga kombëtarja iu larguan në mënyrën më të keqe. Pas gjithë kësaj, a do të ktheheni nëse ju thërret trajneri i ri? Të gjithë e dinë qëndrimin tim ndaj Kombëtares. Mirëpo, ka gjëra që nuk mund të përballohen. Edhe nëse marr ftesën për të luajtur, nuk e di nëse do ta pranoja. Vështirë se do të kthehem, sepse kjo nuk varet nga raporti im me trajnerin, por me presidentin e Federatës. Federata më bëri një padrejtësi, duke më larguar në mënyrë shumë të ulët. - Ju patët parashikuar qëndrim të shkurtër të Oto Bariçit në stolin e Kombëtares dhe ashtu doli. Në çfarë e mbështetët këtë supozim? Sa ishte Bariç, skuadra jonë ka mposhtur vetëm Luksemburgun. Krenoheshim që luajtëm mirë në disfatën kundër Holandës. E të gjithë e dimë se Holanda kishte krizë, mezi e pati mposhtur Luksemburgun e Slloveninë. Rendimenti i rezultateve çonte nga një largim i tij. Dhe, është e natyrshme që të ndërrohet trajneri që kënaqet me humbje dinjitoze. Të tilla ndeshje si me Holandën, madje më të mira, ne kemi treguar dikur edhe kundër Gjermanisë, Anglisë, Rusisë, Greqisë. - Federata ishte gati t’i falte Bariçit “dështimet”, sikur të mos ndodhnin dy disfatat e fundit? Për humbjen nga Rumania nuk ka çfarë të diskutohet, por ajo nga Bjellorusia ishte fund e krye për faj të Bariçit. Ai gjatë tërë kohës para ndeshjes më shumë është marrë me çështjen e kontratës, me ofertat që ka nga Kroacia e Austria si dhe me atë se na ka qenë trajner i madh. Unë e respektoj që ishte trajner i madh, por Bariç harroi se edhe të tjerët duhet të respektohen nga ai. Nuk i falet as mënyra sesi na trajtoi mua, Hasin dhe disa lojtarë të tjerë. Dhe një trajner me eksperiencë nuk sillet në atë mënyrë. - Për dy humbjet e fundit të Shqipërisë nga mediat dhe një pjesë e tifozëve janë akuzuar një pjesë e lojtarëve, në mesin e tyre edhe Lorik Cana? Kjo është çmenduri. Cana është lojtari më i padiskutuar në skuadrën e tashme kombëtare. Me të duhet të krenohemi si komb. Luan në kampionatin presitigjioz dhe është kapiten i skuadrës së madhe Marsejë. - Po edhe Bariç disa herë ka pasur fërkime verbale me Canën? Bariç nuk ka mundur t’i vërë në diskutim cilësitë e Canës, jo pse është lojtar i madh, por pse është lider. Dhe, Bariç ka gabuar rëndë kur vërejtjet ndaj Canës ia ka bërë publike nëpër media. Nëse një trajner sulmon liderin në atë mënyrë, ai e ka të sigurt shkatërrimin e grupit. Për atë Bariç nuk arriti kurrë të bëjë një grup të mirë, jo sepse s’pati lojtarë shumë të mirë në skuadër. - Është thënë e shkruar se Bariçit ia bëri “kurthin” në shenjë hakmarrjeje klani i lojtarëve që ishin miq të Tares, Hasit... Mua më duket e tepërt të flas tani për Bariçin, por më duhet të them se kush i njeh Taren dhe Hasin nuk do ta mendonte një gjë të tillë. - Për ju tani flitet se keni ofertë nga Roma. Do të largoheni apo do të mbeteni në Lazio? Jo, jo...! Nuk mund të bëhet realitet kurrë që nga Lazio të transferohesh në Romë. Do t’i diskutojmë me trajnerin mundësinë e mbetjes te Lacio dhe për këtë kam punuar shumë. - Javët e fundit keni fituar besimin e trajnerit dhe Lacio sikur ka marrë veten. E pranoni se ishte me ndikim loja juaj? Kur unë jam në fushë skuadra luan taktikisht ndryshe. Gjendja ime e mirë fizike mundëson një mesfushë dhe një sulm më të lëvizshëm. Prania ime bënë presion të vazhdueshëm gjatë ndërprerjeve dhe mendoj se kemi pasur rezultate të mira edhe në kampionat, edhe në kupë. Vllaznia ka bërë blerjen më të goditur të merkatos së janarit, mbrojtësin e Kombëtares, Elvin Beqiri. Afrimi i 27-vjeçarit është "dhurata" e presidentit Valter Fushaj për tifozerinë shkodrane, por edhe për trajnerin Mirel Josa, që në pjesën e mbetur të sezonit do të ketë një skuadër edhe më të fortë. Lajmi është konfirmuar nga vetë Beqiri, i cili ka prishur kontratën me ukrainasit e Arsenalit të Kievit. Shkak për këtë është bërë konflikti me trajnerin e skuadrës, i cili ishte ankuar në media se drejtuesit e klubit kishin blerë një futbollist që në ato momente nuk i nevojitej. "Trajneri kishte deklaruar për një gazetë se reparti i mbrojtjes ishte i kompletuar dhe se unë nuk isha lojtari që kërkonte", pohoi shkodrani në linjë telefonike për "Shqip". "Menjëherë pasi mësova këtë deklaratë, bëra një takim me trajnerin dhe i kërkova të dija nëse ato që kishin shkruar gazetat ishin të vërteta. Në momentin që më konfirmoi gjithçka, vendosa se gjëja më e mirë ishte të prishja kontratën me Arsenalin, pasi asnjëherë nuk do të cilësohesha si zgjedhje e parë. Duke parë situatën e krijuar, drejtuesit e klubit vendosën të më jepnin të gjithë dokumentacionin dhe u bëra lojtar i lirë". Cana, çmim special nga tifozët francezë Lorik Cana ka marrë një tjetër çmim personal në Francë, kësaj radhe nga grupi i njohur i tifozëve, “Dodgers”. Mesfushori kuqezi, së bashku me Steve Mandanda, Benoit Cheyrou, Juan Krupoviesa, Kanga Akale dhe Jose Anigo, pas një qarkullimi të dendur ma-kinash, të mërkurën pas seancës stërvitore të mbasdites, mbërrijnë deri në Stadiumin Velodrome. Pi-kërisht, në Sallonin “Jean Bouin”, rreth 200 anëtarë të shoqatës së tifozëve “Dodgers” ishin mble-dhur për t’i dhënë kapitenit marsejez titullin e nderit “Dodgers 2007”. Ky trofe, i dhënë nga grupi i tifozëve të virazhit DEPE, i jepet lojtarit më të mirë, me shpirt gare dhe angazhim maksimal për gjatë gjithë sezonit në ligën franceze. Lorik Cana është i 11-ti që merr çmimin “Nderi i Dodgers”. Emri i tij i shtohet listës së përbërë nga emra të njohur si, Xavier Gravelaine, Ludovic Eshouafni, Jerome Leroy, Frank Lebeuf, Fabien Barthez, Manuel Dos Santos, Vedran Runje, Florian Maurice dhe Robert Pires. “Në Marsejë, raportet me tifozët lidhen shpejt, për këtë arsye jam shumë krenar për këtë trofe. Ekipi ynë do vazhdojë të japë maksimumin që tifozët të jenë gjithmonë krenarë për ne dhe për mua në veçanti”, u shpreh Cana pas.