Shqiptari regjistroi të dielën ndaj Kanës edhe kartonin numër 49 në 146 ndeshje Është plot 49 numri i kartonëve të marrë nga mesfushori i klubit nga Velodrom. E gjitha kjo, e koleksionuar në një periudhë gati katërvjeçare, që nga viti 2005, kur u transferua nga PSG për te Olimpiku i Marsejës, dhe që përfshin sezonet 2005/2006, 2006/2007, 2007/2008 dhe këtë fillim të edicionit aktual 2008/2009. Mesfushori shqiptar në sezonet e mëparshme shquhej si lojtari që ndëshkohej gati në çdo ndeshje, ndërsa kohët e fundit ka marrë më pak kartonë. Pas vetëm 146 ndeshjesh me këtë klub, ai arriti kuotën e 49 kartonëve të verdhë. Rekordi i mëparshëm i kartonëve mbahej nga futbollisti Bernard Kasoni me 48 kartonë në 221 ndeshje. I treti në renditjen e kartonëve është Erik Di Meko me 47 në 276 ndeshje. Masonite, i cili aktualisht është trajner Bastias, ishte ndëshkuar me 8 kartonë të kuqë. Ndërkohë që Loriku nuk ka marrë asnjë karton të kuq gjatë kohës që ka luajtur për fanellën e Marsejës. Cana futet te lojtarët potentë dhe me një grintë të jashtëzakonshme gjatë lojës, një gjë e tillë e bën shpesh pre të ndëshkimeve të gjyqtarëve, të cilët nuk ngurojnë t‘i nxjerrin kartonin para syve. Ari Han do t‘u qëndrojë "besnik" ideve të tij dhe në sfidën e së shtunës me Hungarinë pritet të luajë sërish me skemën me një sulmues të mirëfilltë. Për ndeshjen e orës 19:45 kundër formacionit të Ervin Kuman, 59-vjeçari do t‘i besojë skuadrës që deri më tani ka grumbulluar 4 pikë. Në portë do të jetë Arjan Beqaj, që me formën e treguar me qipriotët e Anorthosis është një siguri më shumë. Në mbrojtjen me katër lojtarë holandezi do të rreshtojë Armend Dallkun në të djathtë dhe Kristi Vangjelin në të majtë, ndërkohë partner i Debatik Currit në qendër do të jetë Lorik Cana ose Elvin Beqiri. Kjo do të varet nga rikuperimi dhe forma që do të ketë mbrojtësi shkodran në ditët në vazhdim. Në qendër të mesfushës në pozicione difensive do të jenë Altin Lala dhe Ervin Bulku (ose Lorik Cana, nëse nuk aktivizohet si mbrojtës), ndërsa përpara tyre regjia do t‘i besohet fantazisë së Ervin Skelës. Reparti me pesë futbollistë do të plotësohet nga Klodian Duro dhe Jahmir Hyka nga krahët. Sulmues i vetëm do të jetë Erjon Bogdani, që në Tiranë hapi serinë e golave në fitoren që kuqezinjtë arritën me Maltën. Ky rreshtim (i preferuar nga trajneri Han) shihet edhe si arma më efikase për të frenuar sulmet e shpejta nga krahët të hungarezëve. Vëmendje e veçantë do t‘i kushtohet mbulimit të dy lojtarëve më të mirë të kundërshtarëve, Tamas Hajnal (mesfushori me tipare sulmuese i Borusias së Dortmundit) dhe Szhabolks Huszhti (mesfushorit të krahut që luan te Hanoveri). “Kemi dy ndeshje para vetes dhe aty janë gjashtë pikë për t’u marrë”, është shprehur Lala për të përditshmen gjermane “Bild”. Për sfidën e parë, mesfushori do të udhëtojë drejt Budapestit, për t’u përballur të shtunën mbrëma me Kombëtaren e Hungarisë. Aty do të ndeshet edhe me kolegun e tij te ekipi i Hanoverit, Szabolks Hushti. “Për këtë ndeshje, unë me Hushtin kemi folur thuajse gjatë gjithë muajit”, rrëfen kapiteni kuqezi. E sigurt është se para ndeshjes do të telefonojnë edhe një herë mes tyre, mbase edhe për të vënë ndonjë bast. Të mërkurën e ardhshme, Lala dhe Shqipëria do të jenë mysafirë të Portugalisë, e cila cilësohet edhe favoritja kryesore për të zënë vendin e parë në grup. Shtatshkurtrit të Hanoverit do t’i duhet të përballet këtë herë me yllin Kristiano Ronaldo. Një pikë kundër përfaqësueses portugeze, që doli e katërta në Botërorin 2006, do të ishte mjaft pozitive, mirëpo Lala mendon për më shumë. “Në futboll gjithçka është e mundur, ndaj pse të mos shpresojmë për më shumë se sa një barazim”. Kohët e fundit shqiptari ka humbur vendin në formacionin titullar të Hanoverit për shkak të një dëmtimi, por dy ndeshjet e radhës do të jenë një mundësi e mirë për të luajtur gjatë gjithë takimit. “Mezi po pres të jem titullar. Askujt nuk i pëlqen të rrijë gjatë në stol, sepse të gjithë dëshirojnë të luajnë”, thotë ai. Kreu i pankinës së Hanoverit, Diter Heking, preferon më shumë Hano Baliçin e Kristian Shulcin sesa Altin Lalën. Megjithatë, ky tregohet i qetë kur shprehet: “Unë do të vazhdoj të jap më të mirën në klub, dhe stafi drejtues është i detyruar të më llogaritë edhe mua. Unë do t’ua imponoj këtë gjë”. Duro OK, Salihi ende në dyshim Nën drejtimin e teknikut Ari Han, dje në Budapest, Kombëtarja shqiptare ka zhvilluar dy seanca stërvitore, ku kuqezinjtë po përgatiten për dy ndeshjet e radhës kualifikuese. Stërvitja e paradites ishte e lehtë dhe jo e kompletuar, pasi disa futbollistë kanë mbërritur më vonë gjatë ditës, ndërsa ajo e pasdites ishte më e plotë”, bëjnë të ditur burime nga kampi kuqezi. Mesfushori Klodian Duro është stërvitur rregullisht me ekipin, ndërsa Salihi vazhdon të ketë probleme dhe është në dyshim për takimin me Hungarinë. Probleme të lehta ka pasur edhe Lorik Cana, megjithëse nuk rrezikon për sfidën e radhës. Shqipëria synon rezultat pozitiv me Hungarinë në “Ferenc Pushkash” të Budapestit, e konsideruar edhe si rivali direkt për vendin e katërt në Grupin 1. Ky takim vlerësohet edhe më i rëndësishëm se ai me Portugalinë (15 tetor), nisur edhe nga fakti se pikët kundër formacionit të Ervin Koemanit, do të zgjasnin edhe ëndrrën për të qenë për herë të parë edhe në finalet e një Botërori. Astrit Hafizi, ish-trajneri i Kombëtares shqiptare 09.11.1996-09.10.1999: 25 ndeshje, 4 fitore, 7 barazime, 11 humbje), pranon rëndësinë e takimit. “Ndonjëherë shorti të favorizon, ndonjëherë jo. Unë mendoj se nuk jemi të favorizuar, por e rëndësishme është sesa do të qëndrojë skuadra jonë në ekuilibrin lojës. E rëndësishme është të ruajmë disa norma, rregulla të futbollit. "Të mos të luajmë si një skuadër e shpërqendruar, me distanca të mëdha, më hapësira të mëdha. Çdo gjë mund të ndodhi. Nuk duhet të shpërqendrohemi gjatë lojës, pasi atëherë shanset do të jenë shumë të pakta, ndaj një kundërshtari do të kërkojë ta shfrytëzojë në maksimum avantazhin e fushës së vet, ashtu siç kërkojmë edhe ne në fushën tonë”, -theksoi për “TV Klan”, Hafizi, i cili në nivel klubesh ka drejtuar edhe Dinamon e Vllazninë (kampion në sezonin 1991-1992) e së fundi Tiranën (për disa javë në sezonin e kaluar). Shkodrani Hafizi do të mbahet mend si trajneri që e modernizoi edhe më shumë skuadrën kuqezi dhe lojën e saj, pas Neptun Bajkos. Më pas ai i la vendin trajnerit tjetër shkodran, Medin Zhega. Hafizi mendon se grumbullimi në Hungari është një zgjedhje më e mirë, nëse ekipi do të stërvitej në Shqipëri. “Grumbullimi i ekipit Kombëtar në Shqipëri po bëhet çdo herë e më i vështirë. Ne kemi krijuar një kompleks në Kamzë, por nuk është frekuentuar nga Kombëtarja. Stërvitjet po bëhen në stadiume të rretheve të ndryshme dhe të klubeve të kryeqytetit (Tiranës e Dinamos). Kjo është e papranueshme, mendoj unë. Grumbullimi në vendin ku do të luash ofron edhe kushte më të mira”, - shtoi Hafizi. Trajneri shqiptar me më shumë ndeshje me përfaqësuesen (25) u shpreh i rezervuar për të dhënë një vlerësim për Ari Hanin. “Puna e tij në fund do të matet me rezultatet. Është vetëm fillimi. Shpresoj se do të vazhdojë”. Holandezi Ari Han në drejtimin e Kombëtares ka zhvilluar katër ndeshje, dy zyrtare me Maltën e Suedinë e dy miqësore me Poloninë e Lihtenshtejnin, ku ka arritur dy fitore (Lihtenshtejn, Maltë), një barazim (Suedinë) dhe humbje (Poloninë). Ajo që është më e rëndësishme për momentin është fakti, se pas dy ndeshjeve eliminatore ndodhemi në vendin e parë në grupin 1, duke lënë pas emra të mëdhenj si Portugalia, Suedia e Danimarka, ndërkohë që kundërshtarin direkt të fundjavës, Hungarinë, e kemi lënë pas me tri pikë. Sot kombetarja jone kuqezi eshte bashkuar ne hotel "Aeroport Budapest". Kuq e zinjte kane mberritur ne oren 13:00. Rreth 20-te lojtare kane qene te grumbulluar, ndersa Hyka dhe Teli kane munguar si pasoje e aktivitetit ne skuadrat e tyre respektive. Futbollistet qe aktivizohen ne kampionatin tone kombtar kane udhetuar nga Tirana, nderkohe qe pjesa tjeter nga shteti i kampionatit qe aktivizohet. Shume shpejt kuqezinjte nen urdherat e trajnerit Arie Hann do te nisin pergatitjet ne token hungareze. Ende ne dileme eshte gjendja e dy lojtareve te demtuar Hamdi Salihi dhe Klodian Duro, te cilet jane pjese e skuadres ne Budapest. Shqipëria do të përballet të shtunën me Hungarinë, sfida e tretë zyrtare e eliminatoreve të Botërorit 2010. Por, sa të fortë janë lojtarët tanë dhe në ç’vend renditen aktualisht skuadrat e tyre në kampionatet e vendeve përkatëse. PORTA ARJAN BEQAJ: Anorthosis Farmagusta pas katër javësh bashkëkryeson me Omonian Nikosia kampionatin qipriot me pikë të plota, ndërkohë që Arjani po zhvillon një tjetër sezon të jashtëzakonshëm, vetëm 1 gol në 360 minuta. ISLI HIDI: Alki Larnaka nuk është ndër ekipet e mëdha të Qipros, dhe ekipi i tij renditet në vendin e 12-të nga 14 ekipe që ka Divizioni A qipriot. Tetë gola ka pësuar Alki, ose 2 gola për ndeshje. Samir Ujkani: Portieri i sapothirrur nga Italia nuk ka luajtur asnjë minutë me Palermon në Serinë A. Ekipi siçilian ndodhet në vendin e katërt, me vetëm një pikë më pak se Lacio, Interi e Udineze, të tria nga 13 pikë. MBROJTJA DEBATIK CURRI: Te Vorskla Poltava në Ukrainë i ka provuar rolet nga mesfusha te mbrojtja, por me Kombëtaren shqiptare është “salduar” në zemër të repartit të prapavijës. Te Voskla, me tre gola është golashënuesi më i mirë i ekipit. Vorskla ndodhet në vendin e 4-t, me 5 pikë më shumë se Kribvasi i Bulkut (13 pikë). ARMEND DALLKU: Një mbrojtës i fuqishëm dhe me cilësi mesfushori. Autori i golit të tretë në fitoren 3-0 kundër Maltës është titullar i padiskutueshëmn dhe shpesh ka qenë në formacionin ideal të Vysha Ligës në Ukrainë. KRISTI VANGJELI: Edhe pse me minuta jo të plota te Arisi i Selanikut në kampionatin grek, mbrojtësi korçar ka potencial të madh. Arisi i tij ndodhet në vendin e 9-të nga 16 ekipe që ka Superliga greke. ELVIN BEQIRI: Vllaznia është duke bërë një sezon të sukseshëm. Pas pesë javë skuadra e Beqirit ndodhet në vendin e dytë me tre pikë më pak se Tirana e vendit të parë në kampionatin maksimal shqiptar. Beqiri kaloi një dëmtim të lehtë është e rikuperuar plotësisht. ADMIR TELI: Shkodrani i Haccetepe në kampionatin turk është ndër të preferuarit e trajnerit Han. Skuadra e tij ndodhet në vendin e 15-të nga 18 ekipe që ka Superiga turke. ENDRI VRAPI: Mbrojtësi i Elbasanit është ndër më të mirët e kampionatit shqiptar. Elbasani ndodhet në vendin e katërt në Superligë. ANDI LILA: Një mbrojtës, por me dy gola është golashënuesi i dytë më i mirë te Tirana. Bardheblutë kryesojnë bindshëm kampionatin shqiptar. MESFUSHA KLODIAN DURO: Omonia Nikosia renditet i pari në Qipro, duke ndarë vendet 1-2 me Anorthosis Farmgusta. Në katër takimet e para ka marrë pikë të plota. Mesfushori shqiptar ka shënuar një nga tetë golat e Omonias. Duro ka shënuar : 3 gola në Kupën UEFA. LORIK CANA: Kapiteni i Marsejës është ndër më të dalluarit te ekipi i tij, por Olimpiku ndodhet në vendin e tretë në kamionatin francez pas Lionit e Tuluzës. Historik goli i Lorikut në Ligën e Kampionëve kundër Liverpulit. ERVIN SKELA: Fantazisti i përfaqësueses sonë ka zhvilluar një sezon me hope. Skuadra e tij Energi Kotbus ndodhet në zonën e rënies, pasi renditet e 16-ta nga 18 ekipe të Bundesligës gjermane. ALTIN LALA: Kapiteni i Shqipërisë ndodhet në mesin e poshtë të renditjes me ekipin e tij. Hanoveri pas shtatë ndeshjes ndodhet në vendin e 7-të (2 fitore, 2 barazime, 3 humbje). Lala është akttivizuar në JAHMIR HYKA: Anësori i avancuar edhe pse Mainc 05 ndodhet në vendin e parë të Bundesligën II gjermane, minutat e aktivizimit i ka të pakta. Gjithsesi, Hyka është ndër më të aktivizuarit me përfaqësuesen tonë: 180 të plota në dy ndeshjet zyrtare. ANSI AGOLLI: Tirana e tij kryeson bindshëm kampionatin shqiptar. Ish-lojtari i Vas në Finlandë është dalluar për asistët e tij në golat e Memellit, Xhafës e Lilës. Profesionalizmi i tij në Superligë dallohet menjëherë. ELIS BAKAJ: Minuta të pakta për shkak të dëmitmit dhe pezullimeve me Partizanin. Skuadra e kuqe është duke kaluar një moment të errët, duke u renditur e parafundit në Kategorinë Superiore, me po aq pikë sa Bylisi i vendit të fundit, nga 4. ERVIN BULKU: Mesfushori shkatërues i Kribvasit nuk është ende në rolin e titullarit të padiskutueshëm. Gjithsesi, Kribvasi falë dhe katër golave të Dorian Bylykbashit (4, por jo i thirrur në kombëtare) ndodhet në vendin e 9-të nga 16 ekipe që ka kampionati ukrainas. SULMI EDMOND KAPLLANI: Rekordmeni i golave brenda kualifikueseve të një edicioni të Kampionati Europian (5 gola) është alternativa e dytë në sulmin e Karlsuhes. Skuadra e tij renditet e 12-ta nga 18 ekipe të Bundesligës gjermane, me një pikë më shumë se Hanoveri i Lalës e katër më shumë se Energi e Skelës. ERJON BOGDANI: Me golin kundër Maltës, Erjon Bogdani u ngjit në kuotën e pesë golave në eliminatoret e Kampionateve Botërore, duke u bërë golashënuesi më i mirë në këtë kompeticion. Kievo e tij ndodhet në vendin e 16-të nga 20 ekipe të Serisë A. Bogu i ka pasur minutat e pakta te skaudra e tij. HAMDI SALIHI: Është më prodhimtari në këtë sezon futbollistik. Sv Ried ndodhet në vendin e gjashtë nga 10 skuadra që ka kampionati austriak. Nga 16 gola të shënuar nga skuadra e tij vetëm katër mbajnë firmën e sulmuesit shkodran. Sezonin e kaluar realizoi 12 gola, duke u renditur i katërti në Austri. BESART BERISHA: Pritej të luante me Bërnlin në kategorinë e dytë angleze, por përfundoi i huazuar te Rozenborgu në Norvegji. Pas 23 javësh Rozenberg është i 4-ti, duke qenë dhjetë pikë pas vendit të parë të mbajtur nga Stabak (48). Tre gola mbajnë firmën e shqiptarit nga Kosova, impulsiv, autori i një goli kundër Anglisë B.